Vel heppnaðar æfingabúðir að baki

Æfingabúðir Þríkó voru haldnar í Mosfellsbæ 21.-22. nóvember. 

Æfingabúðirnar byrjuðu á styrktaræfingu með Hafþóri á föstudagskvöldið, þar var sko vel tekið á því. 

Eftir styrktaræfingar var farið í slökun með Lovísu. 

Eftir morgunmat á laugardagsmorgninum var sundæfingí sundlauginni Varmá undir stjórn Hákons sundþjálfara. 

Klukkan 10 var hlaupaæfing með Ívari hlaupaþjálfara. Eftir hádegismat var Kolbrún grasalæknir með fyrirlestur og eftir frábæran fyrirlestur var hjólaæfing í yndislegri náttúru Mosfellsbæjar. 

Ása Magg bauð svo hópnum heim til sín um kvöldið, þar sem Grillvagninn grillaði góðgæti ofan í svanga og þreytta æfingafélaga. Þar var Viðar Kona-fari og hjólaþjálfari Þríkó og Hjólamanna - með kynningu á Kona ferðinni. 

Það voru þreyttir en ánægðir Þríkó-félagsmenn sem nutu kvöldsins saman.